Iazko kurtso bukaeran, auzolanean Orokietako baratzean etxola eder bat jarri genuela kontatu genizuen.

Gure Baratza Ikaslab hornitzen eta aberasten jarraitzen dugu eta oraingo honetan, negutegi bat jarri dugula kontatu nahi dizuegu. Orain arte ez genuen negutegirik eta neguan gure baratzeko proiektuek geldialditxo bat izaten zuten. Negutegia jarrita, proiektu berriak martxan jartzeko aukera izango dugu hazitegia, lorezaintza… baita neguan ere.

Esan beharra dugu, negutegia Balurdin Guraso Elkarteak erosi duela eta muntaia lanetan ere, gurasoak ibili direla. Beraz, albiste hau aprobetxatu nahi dugu, Balurdini eta muntaian aritu diren guraso horiei eskerrik beroena luzatzeko.

Oso zorteko gara, jarraitu dezagun elkarlan aberats honetan gure ikasleen onerako izango da eta.

Mila esker.