Gaur goizean Motxian-Etxebeltz bertso-eskolako partaide eta bertsolari diren Aner Euzkitze eta Uxue Alkorta etorri zaizkigu eskolara. LH4ko ikasleekin saio oso polita egin dute. Uxuek eta Anerrek, bertsolaritzaren oinarrizko informazioa emateaz gain, bertsoak kantatu dituzte ariketa desberdinak eginez. Ikasleak ere lanean jarri dituzte, eta gai-jartzaile edo bertsolarien laguntzaile lanetan ibili dira.

Primerako saioa eskaini digute, eta amaieran, Zarauzko Motxian-Etxebeltz bertso eskolan izena ematera gonbidatu dituzte ikasleak.

Mila esker Anerri eta Uxueri, eta ea gaurko saiotik etorkizuneko bertsolaririk edo gutxienez bertsozalerik  ateratzen den!